Матео Ковачич «Манчестер Сити»ни тарк этмоқчи
«Манчестер Сити» ярим ҳимоячиси Матео Ковачич қишки трансфер ойнасида клубни тарк этишни режалаштирмоқда. Хорватиялик футболчи янги бош мураббий Энцо Мареска қўл остида етарлича ўйин амалиётига эга бўлмаётганидан норози. Бу ҳақда Sportske novosti хабар бермоқда.
Манбага кўра, Ковачич ёзда клубдаги келажагини аниқлаштириш учун спорт директори Уго Виана ва Мареска билан музокара ўтказган. Иккаласи ҳам унга жамоада унга ишонч борлиги ва етарлича ўйин вақти берилишини билдирган. Бироқ трансфер ойнаси якунида Энцо Фернандешнинг катта маблағ эвазига сотиб олиниши ярим ҳимоядаги рақобатни янада кучайтирган.
Ковачич ёзги трансфер ойнасининг сўнгги кунларидаёқ жамоадан кетишни истаган, аммо янги клуб билан келишувга эришиш учун вақт етмаган. Унга Туркия, Саудия Арабистони ва Италиядан таклифлар бўлган. Энди футболчи январь ойида «Этиҳод»ни тарк этиш вариантини жиддий кўриб чиқмоқда.
Маълумот учун, 32 ёшли Ковачич «Манчестер Сити»га 2023 йилда «Челси»дан келиб қўшилган. Унинг амалдаги шартномаси 2027 йил ёзигача мўлжалланган. Жорий мавсумда хорватиялик ярим ҳимоячи барча мусобақаларда 5 та учрашувда майдонга тушган ва сўнгги учта Премьер-лига баҳсида ўйин амалиётига эга бўлмаган.
