«Марсель» Обамеянгни қанчага сотиши мумкинлиги маълум
«Марсель» бу ёзда УЕФА молиявий регламентига мослашиш учун бир қатор футболчиларни сотишни режалаштирмоқда. Бу ҳақда La Provence хабар бермоқда.
Манбага кўра, ҳужумчи Пьер-Эмерик Обамеянг ҳам жамоани тарк этиши мумкин бўлган ўйинчилар қаторига киради.
Марселнинг «Олимпик» клуби Чемпионлар лигасининг кейинги мавсумида иштирок этишни таъминлай олмади, бу эса клуб учун молиявий масалани янада кескинлаштиради.
Қайд этилишича, Обамеянг билан шартномани муддатидан олдин бекор қилиш кўриб чиқилмаяпти, унинг ўрнига клуб футболчига 1,5 миллион евро нарх белгилади.
Хабар қилинишича, Обамеянгга «Фенербахче», «Галатасарай», «Трабзонспор» ва «Лос-Анджелес» клублари қизиқиш билдирмоқда.
Ўтган клуб мавсумининг 41 ўйинида 37 ёшли Обамеянг 14 та гол урди ва 10 та голли узатмани амалга оширди.
