Мармуш Манчестер дербисини ўтказиб юборади
У ФИФА кунларида жароҳат олди.
ФОТО: Getty images
"Манчестер Сити" вингери Омар Мармуш Миср терма жамоаси сафида ФИФА кунларида тиззасидан жароҳат олди.
"Шаҳарликлар" расмий сайти хабарига кўра, Мармуш ушбу жароҳати сабаб Манчестер дербисида аниқ иштирок этмайди.
Унинг жароҳати қай даражада жиддийлиги қўшимча тиббий кўриклардан сўнг аниқ бўлади.
Шу тариқа, “Сити”нинг жароҳатланган футболчилари сони янада кўпайди. Абдуқодир Ҳусановнинг ҳам Манчестер дербисида иштирок этиши номаълум.
Розикжон Султонмуродов
Журналист