Мареска: «Бу ерда ўйнаш қийин»
«Манчестер Сити» АПЛ турнир жадвалида биринчи ўринга кўтарилди.
ФОТО: Getty images
«Манчестер Сити» бош мураббийи Энцо Мареска Англия Премьер-лигасининг 2-турида «Кристал Пэлас» устидан қозонилган 4:1 ҳисобидаги ғалабадан кейин ўз фикрларини билдирди.
«Бу ерда ўйнаш қийин, буни учрашувдан олдин ҳам билардик. Ўйинимиздаги интенсивлик яхши даражада бўлди. Тўртта гол урдик, эҳтимол, яна кўпроқ гол киритишимиз ҳам мумкин эди. Ўз дарвозамиздан эса фақат битта тўп ўтказиб юбордик.
Тўпсиз ҳаракатларда ҳам етарлича яхши ўйнадик, гарчи дастлабки 10 дақиқада қийинчиликларга дуч келган бўлсак ҳам. Тўп бизда бўлганида футболчиларни ҳужум қилиш учун қулай позицияларга жойлаштиришга ҳаракат қилдик», — деди Мареска BBC'га.
«Манчестер Сити» мавсум бошидаги иккинчи ғалабасини қўлга киритиб, АПЛ турнир жадвалида биринчи ўринга кўтарилди.
Розикжон Султонмуродов
Журналист