Мареска Андерсонни қайси позицияларда ўйнатмоқчи эканини айтди
«Манчестер Сити» бош мураббийи Энцо Мареска жамоанинг янги футболчиси Эллиот Андерсонни майдоннинг қайси позицияларида ўйнатишни режалаштираётганини маълум қилди.
«Мен уни таянч ярим ҳимоячи сифатида кўраман, аммо у ҳужумкор ярим ҳимоячи сифатида ҳам ўйнай олади. Эллиотнинг яхши жиҳати шундаки, у ёш футболчи ва у билан ишлаш, ривожланишига ёрдам бериш мумкин. У “саккизлик” позициясида ҳам ўйнай олади ва жарима майдонига қўшилиб бориши мумкин.
“Ноттингем Форест”да у Иброҳима Сангаре билан бирга ўйнаган, Англия терма жамоасида эса Деклан Райс билан ёнма-ён ҳаракат қилган. Шунинг учун у жисмонан кучли футболчилар билан бирга ўйлаш тажрибасига эга. Менимча, унга ёнида албатта шундай футболчи бўлиши шарт эмас.
Унда жуда кўп яхши жиҳатларни кўрдим. Эллиот тўп билан ҳам, тўпсиз ҳам яхши ҳаракат қилади. Унда характер ҳам бор — буни “Форест”да ҳам, миллий терма жамоада ҳам кўриш мумкин эди.
Мен футболчилар турли позицияларда ўйлай олишини яхши кўраман. Айтганимдек, Эллиот “олтилик” ва “саккизлик” позицияларида ҳаракат қила олади. У ҳар икки позицияда ҳам яхши ўйнайди», — дея Маресканинг сўзларини келтиради «Манчестер Сити» расмий сайти.
