«Манчестер Юнайтед» Шешкони сотишдан бош тортди — TEAMtalk

Футболчига «Барселона» ва «Атлетико» клублари қизиқиш билдирган.

Футбол Бугун да 13:50

Розикжон Султонмуродов

Журналист

«Манчестер Юнайтед» ёзги трансфер ойнасида ҳужумчи Бенямин Шешкони сақлаб қолишга қарор қилди.

Инглиз клуби раҳбарияти 23 ёшли словениялик форвардни сотиш бўйича таклифларни кўриб чиқишдан бош тортди, деб хабар бермоқда TEAMtalk.

Футболчига Испаниянинг «Барселона» ва «Атлетико Мадрид» клублари қизиқиш билдирган. Бироқ, манкунианликлар ўйинчи атрофида жамоа қуришни режалаштириб, қатъий позицияни эгаллади.

Таъкидланишича, «Манчестер Юнайтед» бош мураббийи Майкл Кэррик Шешкога ишонч билдирмоқда ва уни «Олд Траффорд»даги узоқ муддатли лойиҳанинг асосий қисми сифатида кўрмоқда.

Клуб ҳужумчини сотишни бутунлай истисно қилди ва эҳтимолий харидорлар билан музокаралар олиб бормайди.