“Манчестер Юнайтед” Керрикни истеъфога чиқаришни режалаштирмаяпти
“Манчестер Юнайтед” раҳбарияти бош мураббий Майкл Керрик билан ҳамкорликни давом эттириш ниятида. Клуб ҳозирги босқичда мураббийни алмаштиришни режалаштирмаяпти ва жамоада узоқ муддатли барқарорликни таъминлашни устувор вазифа сифатида кўрмоқда. Бу ҳақда The Athletic нашри хабар бермоқда.
Манбага кўра, клуб раҳбарияти Керрикнинг фаолиятини фақат қисқа муддатли натижалар асосида баҳолашни истамаяпти. “Манчестер Юнайтед” сўнгги йилларда мураббийларнинг тез-тез алмашгани жамоанинг барқарор ривожланишига салбий таъсир кўрсатган, деган хулосага келган. Шу сабаб раҳбарият амалдаги мураббийга вақт беришга тайёр.
Клуб ичида натижаларни яхшилаш зарурлиги тан олинмоқда, бироқ айни пайтда Керрикнинг истеъфоси кун тартибида эмас. Раҳбарият жамоанинг ўйин услуби ва умумий ривожланишидаги ўзгаришларни узоқроқ муддат давомида кузатишни мақсад қилган.
Маълумот учун, Майкл Керрик аввал ҳам “Манчестер Юнайтед” мураббийлар штабида ишлаган ва 2021 йилда қисқа муддат жамоани вақтинча бошқарган. Собиқ ярим ҳимоячи футболчилик фаолиятининг асосий қисмини ҳам айнан “Манчестер Юнайтед” сафида ўтказган.
