Манчестер Сити яримҳимоячиси жамоани тарк этиб, Испания Лигасига ўтиши мумкин
Расм: gettyimages.com Бернарду Силва
Todofichajes нашри маълумотларига кўра, «Манчестер Сити» ва Португалия терма жамоаси яримҳимоячиси Бернарду Силва Англия Премер-Лигасини тарк этиши мумкин. Машҳур футболчининг Испания чемпионатидаги етакчи клубларидан бирига ўтиши эҳтимолдан холи эмас.
Португалиялик яримҳимоячини ўз сафига қўшиб олишга каталониялик «Барселона» клуби қизиқиш билдирмоқда. Transfermarkt порталига кўра, футболчининг бозор қиймати 45 миллион еврога баҳоланмоқда.
Бернардунинг «Манчестер Сити» билан амалдаги шартномаси 2026 йил июн охиригача амал қилади. Жорий 2024/25 мавсумда у Англия Премер-Лигасида 27 та ўйинда майдонга тушиб, 2 та гол урди ва 4 та голли пас берди.
Бакрадзе Иман
Редактор
