«Манчестер Сити» Кубарсига қизиқиш билдирмоқда
«Манчестер Сити» клуби «Барселона» ҳимоячиси Пау Кубарси билан шартнома имзолаш имкониятини кўриб чиқмоқда. Бу ҳақда The Independent маълумот берган.
Манбага кўра, футболчини «шаҳарликлар» бош мураббийи Энцо Мареска жамоа раҳбариятига тавсия қилган. Мураббий марказий ҳимоя чизиғидаги мавжуд вариантлардан тўлиқ қониқмаётгани ва ушбу позицияни кучайтириш зарур деб ҳисоблаётгани айтилмоқда.
Бироқ келишув осонликча амалга ошмаслиги мумкин. Чунки «Барселона» Кубарсини сотиб ҳақида ўйламаяпти. Футболчи жамоанинг узоқ йиллик режаларига киритилган.
Маълумот учун, Пау Каталония клуби академияси тарбияланувчиси ҳисобланади. У 2024 йилдан асосий жамоа сафида мунтазам майдонга тушиб келмоқда. Кубарсининг «Барселона» билан амалдаги шартномаси 2029 йил июнь ойи охирига қадар амал қилади. Transfermarkt унинг бозор қийматини 80 миллион евро деб баҳоламоқда.
