Манчестер Сити Дани Ольмога қизиқмоқда — у Де Брюйне ўрнини эгаллаши мумкин
Расм: gettyimages.com Дани Ольмо
Англиянинг «Манчестер Сити» жамоаси «Барселона» яримҳимоячиси Дани Ольмога қизиқиш билдирмоқда, деб хабар беради Sport.es. Клуб 33 ёшли Кевин Де Брюйненинг эҳтимолий ўрни сифатида айнан ушбу футболчини кўриб чиқмоқда.
Қизиқиш аввалроқ, 2024 йил январь ойида бошланган. Ўшанда Ольмога Ла Лигадаги рўйхатдан ўтиш муаммолари туфайли жамоани тарк этиш хавфи бор эди. Шу сабабли Испания Олий спорт кенгаши (CSD) футболчини мавсумнинг иккинчи қисми учун вақтинча рўйхатга олишга рухсат берди.
Жорий мавсумда Ольмо барча мусобақаларда 28 та ўйин ўтказиб, 8 та гол урди ва 5 та голли узатма берди. Унинг «Барселона» билан амалдаги шартномаси 2030 йилнинг ёзигача тузилган.
Бакрадзе Иман
Редактор
