Маласия трансфери барбод бўлганидан кейин «МЮ»дан ғазабда — Daily Mail
«Манчестер Юнайтед» чап қанот ҳимоячиси Тирелл Маласия қишки трансфер ойнасининг сўнгги кунида кутилмаган ҳолатга дуч келди. Daily Mail нашрининг хабар беришича, футболчи Туркияга трансфер олдидан режалаштирилган тиббий кўрик бекор қилингани ҳақидаги қўнғироқни қабул қилгач, ўзини тўта олмаган ва «ақлдан озай» деган.
Бироқ, «қизил иблислар» раҳбарияти вазиятга бошқача муносабат билдирмоқда. Клуб Маласия билан боғлиқ можародан сўнг футболчилар билан низолашаётган жамоа сифатида кўринишни истамаяпти. Расмий маълумотларга кўра, манкуниянликлар Туркиянинг номи ошкор этилмаган клуби билан ҳеч қандай келишувга эришмаганини, ҳатто тиббий кўрик ёки сафар режалаштирилмаганини таъкидлашмоқда.
26 ёшли нидерландиялик ҳимоячи жорий мавсумда деярли ўйин амалийотисиз қолди — у бор-йўғи бир марта асосий таркибда майдонга тушган. Унинг клуб билан амалдаги шартномаси 2026 йилнинг ёзига қадар мўлжалланган бўлиб, ҳозирда футболчининг бозор қиймати 5 миллион евроға баҳоланмоқда.
Мутахассисларнинг фикрича, Маласиянинг узоқ вақт жароҳатлардан сўнг сафга қайтиши ва таркибдаги ўрнини йўқотгани, унинг трансфер бозоридаги ҳолатини қийинлаштирди. Клуб ва футболчи ўртасидаги ушбу тушунмовчилик ёзда эркин агент сифатида кетиш жараёнини янада кескинлаштириши мумкин.
