Майкл Керрик: Бу ажойиб бошланиш, бунга гап йўқ
«Манчестер Юнайтед» бош мураббийи Майкл Керрик Англия Премьер-лигасининг 22-тури доирасида «Манчестер Сити»га қарши ўйинда қўлга киритилган 2:0 ҳисобдаги ғалабани изоҳлади.
«Бу ажойиб бошланиш, бунга гап йўқ. Ростини айтсам, ўйин олдидан биз, мураббийлар, ўзаро гаплашиб, йигитлар яхши формада эканини айтгандик. Тайёргарликдан, футболчиларнинг эмоциал ҳолатидан, кийим алмаштириш хонасидаги муҳитдан тўлиқ қониққандик. Шунинг учун ўйин олдидан бу жиҳатдан хотиржам эдим. Лекин тушунинг, “Сити” — жуда кучли жамоа, катта иқтидорга эга, улар таркибни ўзгартириши ва тактикани алмаштириши мумкин. Шу сабабли режа бўлади, кейин эса режа B ва C'га ўтиб, улар асосида ишлашга тўғри келади.
Шунинг учун ўйин қандай кечишини ҳеч қачон олдиндан аниқ билмайсиз. Аммо бугун ҳаммаси қандай бўлгани — ажойиб. Йигитлар кўп жиҳатдан жуда яхши ўйнашди. Эмоцияларни назорат қилиш, биз берган маълумотларни ёдда тутган ҳолда ўйнаш ва консентрацияни йўқотмаслик — бу жуда юқори даражада бажарилди», — дея Керрикнинг сўзларини «Манчестер Юнайтед» расмий сайти келтиради.
Эслатиб ўтамиз, «Манчестер Сити»га қарши учрашув Майкл Керрик учун «қизиллар» бош мураббийи сифатидаги илк ўйин бўлди. Муттахассис 13 январь куни ушбу лавозимга тайинланиб, Рубен Аморим ўрнини эгаллаган эди.
АПЛда 22 та ўйиндан сўнг «қизил иблислар» 35 очко жамғарип, турнир жадвалида бешинчи ўринни эгаллаб турибди. «Шаҳарликлар» эса 43 очко билан иккинчи поғонада жойлашган.
