«Локомотив» 2026 йилдаги илк назорат ўйинини ўтказди
Баҳсда жамоа томонидан киритилган 2 гол оффсайд сабабли инобатга олинмади.
Фото: Локомотив ПФК
Айни дамда Туркиянинг Анталия шаҳрида янги мавсум учун тайёргарликни давом эттираётган жамоамиз нафақат йиғиндаги, балки, йилдаги илк назорат ўйинини ўтказди.
"Қизилжар" жамоасига қарши ўтган баҳс 1:1 ҳисобидаги дуранг билан якунланди. 15-дақиқада Александр Кучеренконинг автоголи эвазига баҳсда ҳисоб очилди. 86-дақиқада Темурхўжа Абдухолиқов жаримадан рақиб дарвозасини ишғол қилди.
Баҳсда жамоа томонидан киритилган 2 гол оффсайд сабабли инобатга олинмади.
Розикжон Султонмуродов
Журналист