\"Ливерпуль” Жотанинг оиласига футболчи билан тузилган шартнома бўйича маош тўлаб боради
Фото: Getty Images
“Ливерпуль” Диогу Жота билан тузилган шартнома бўйича ўз мажбуриятларини бажаришда давом этади, деб хабар беради The Athletic.
Манбага кўра, мерсисайдликлар марҳум футболчининг оиласига 2027 йилгача мўлжалланган шартнома бўйича пулни тўлайди.
Маълумот учун, 2024—2025 йилларда Жота “Ливерпуль”да ҳафтасига 140 минг фунт маош олган. Клуб буни тўлашда давом этади.
Эслатиб ўтамиз, Жота 2025 йил 3 июль оқшомида автоҳалокатга учраб, вафот этган. Ушбу йўл-транспорт ҳодисаси натижасида унинг укаси Андре Сильва ҳам ҳаётдан кўз юмган.
Розикжон Султонмуродов
Журналист