«Ливерпуль» 18 ёшли Нгумоа билан янги шартнома тузади
«Ливерпуль»нинг 18 ёшли вингери Рио Нгумоа яқин вақт ичида клуб билан янги меҳнат шартномасини имзолайди. Бу ҳақда TEAMtalk хабар тарқатди.
Манбага кўра, томонлар янги келишув шартларини деярли тўлиқ келишиб олган. Янги шартнома Нгумоани узоқ йиллар давомида «Ливерпуль» таркибида сақлаб қолишга қаратилган. Клуб ёш футболчининг сўнгги вақтлардаги тараққиётини юқори баҳолаётгани сабабли, унга шартнома шартларини сезиларли даражада яхшилаш таклиф қилинган.
Аввалроқ Нгумоага Лондоннинг «Арсенал» клуби жиддий қизиқиш билдираётгани ҳақида хабарлар тарқалган эди. Шу боис «Ливерпуль» ёш истеъдодини бошқа клублардан асраб қолиш учун унинг шартномасини янгилашга қарор қилган.
Нгумоа жорий мавсумда барча мусобақалар ҳисобга олинганда 5 та учрашувда майдонга тушган.
