Лионел Месси: «Турнирни ғалаба билан бошлаганимиздан хурсандман»
Аргентина терма жамоаси ҳужумчиси Лионел Месси ЖЧ-2026 гуруҳ босқичи доирасида Жазоир терма жамоасига қарши кечган учрашувдан (3:0) сўнг ўз таассуротлари билан ўртоқлашди. Мазкур баҳсда тажрибали форвард хет-трик қайд этишга муваффақ бўлди.
«Жаҳон чемпионатини бундай тарзда бошлаганимиздан хурсандман, барчага кўрсатилган эътибор учун миннатдорчилик билдираман. Ушбу жамоанинг кўп йиллардан буён бўлгани каби йирик мусобақаларга муносиб тарзда қайтганидан жуда фахрланаман», — дея ёзиб қолдирди Месси ўзининг ижтимоий тармоқдаги саҳифасида.
38 ёшли аргентиналик футболчи ушбу учрашувдаги голлари эвазига Жаҳон чемпионатлари тарихида урилган голлар сони бўйича афсонавий бразилиялик ҳужумчи Роналдони (15 гол) ортда қолдирди ҳамда Германия терма жамоасининг собиқ аъзоси Мирослав Клозенинг мутлақ рекордини такрорлади. Айни пайтда Мессининг ҳисобида Жаҳон чемпионатларида киритилган 16 та гол мавжуд бўлиб, ушбу кўрсаткич узоқ йиллардан буён мусобақа рекорди ҳисобланиб келмоқда.
