«Лион» Тома Лемарни ўз сафига қўшиб олмоқчи
Фото: Getty Images
Франциянинг “Лион” клуби “Атлетико” ярим ҳимоячиси Тома Лемарга қизиқиш билдирмоқда. Бу ҳақда AS нашри хабар берди.
Манбага кўра, футболчининг “матрасчилар” билан яна икки йиллик шартномаси бор. У 2018 йилдан буён Мадрид клуби сафида тўп сурмоқда. Ўшанда у “Монако” клубидан келиб қўшилганди.
Лемар “Атлетико” сафида барча турнирларда 125 та ўйинда майдонга тушиб, 9 та голга муаллифлик қилган. Унинг Tрансфермарктдаги нархи 5 миллион евро деб баҳоланмоқда.
Розикжон Султонмуродов
Журналист