«Лидс» Ши Чарльз трансфери бўйича таклиф билан чиқди — TEAMtalk
Эҳтимолий келишув суммаси тахминан 23 млн еврони ташкил қилади.
ФОТО: Getty images
«Лидс Юнайтед» «Саутгемптон»га ярим ҳимоячи Ши Чарльзни сотиб олиш бўйича таклиф юборди.
Эҳтимолий келишув суммаси тахминан 23 млн еврони ташкил қилади, клублар ўртасида музокаралар бошланди, деб хабар беради TEAMtalk.
Шимолий Ирландия терма жамоасининг 22 ёшли футболчиси ва «Манчестер Сити» академияси тарбияланувчиси «Лидс» бош мураббийи Даниэль Фаркенинг трансфер мақсадлари қаторидан ўрин олган.
Клуб раҳбарияти Чарльз Премьер-лига учун зарур бўлган энергия, техника ва тактик мослашувчанликка эга деб ҳисоблайди.
Чарльз аввалроқ «Шеффилд Уэнсдей» сафида ижара асосида тўп сурган Ғарбий Йоркшир минтақасига қайтиш учун клубни ўзгартиришга қизиқмоқда. «Саутгемптон» параллел равишда ярим ҳимоячига ўринбосар излашни бошлади.