Ла Лига. «Бетис» дербида «Севилья»дан устун келди

Испания чемпионатининг 14-турида “Бетис” дербида “Севилья”дан устун келди, ‑ 2:0.

“Бетис” ярим ҳимоячиси Пабло Форналс 54-дақиқада ўйиндаги биринчи голни урди. 69-дақиқада Серги Алтмира дублга эришди. Ўйиннинг қолган қисмида ҳисоб ўзгармади. Учрашув охирида мухлислар майдонга буюмлар улоқтиришди. Ҳакам жамоаларни кийиниш хоналарига юборди. Ҳакамлар бригадаси ҳам майдонни тарк этди. Бироз вақт ўтиб ўйин давом эттирилди.

Шу тариқа, Пеллегрини жамоаси очколарини 24 тага етказиб, 5-ўринни мустаҳкамлади. “Севилья” 16 очко билан 13-поғонада қолди.

Ла Лига. 14-тур
Севиля — Бетис 0:2
Голлар: Форналс (54), Алтимира (69).

Розикжон Султонмуродов

Журналист