Ла Лига. 23-турда қайд этилган барча натижалар билан танишинг
Испания чемпионатининг 23-тур ўйинлари ўз ниҳоясига етди. Душанба, 9 февраль куни бўлиб ўтган сўнгги учрашув билан турнинг барча натижалари маълум бўлди.
Турнинг асосий воқеалари дам олиш кунларига тўғри келди. Амалдаги пешқадам «Барселона» ўз майдонида «Мальорка»ни қабул қилиб, 3:0 ҳисобидаги ишончли ғалабани қўлга киритди. Мадриднинг «Реал» клуби эса сафарда «Валенсия» меҳмони бўлиб, рақибини 2:0 ҳисобида мағлуб этган ҳолда муҳим очколарни қўлга киритди.
Турнинг энг кутилмаган натижаси Мадридда қайд этилди: «Атлетико» ўз майдонида «Бетис»га минимал 0:1 ҳисобида имкониятни бой берди.
Бошқа учрашувларда «Вильярреал» ўз майдонида «Эспаньол»ни 4:1 ҳисобида тор-мор этди. Бильбаонинг «Атлетик» клуби эса «Леванте» билан кечган голларга бой баҳсда 4:2 ҳисобида зафар қучди.
Шунингдек, «Реал Сосьедад» «Эльче»дан (3:1), «Хетафе» эса «Алавес»дан (2:0) устун келди. «Сельта» — «Осасуна» баҳси меҳмонларнинг 2:1 ҳисобидаги ғалабаси билан якунланган бўлса, «Севилья» ва «Жирона» қарама-қаршилигида 1:1 ҳисобидаги дуранг қайд этилди.
Эътиборли жиҳати шундаки, майдон ҳолати ёмонлиги сабабли «Райо Вальекано» ва «Овьедо» жамоалари ўртасидаги учрашув бошқа муддатга қолдирилди.
23-тур якунларига кўра, Испания чемпионатида «Барселона» яққол пешқадамлик қилмоқда. Каталонияликлар ўтказилган 23 та ўйиндан сўнг 58 очко жамғаришга муваффақ бўлишди.
