Кристиан Орозко «Манчестер Юнайтед» билан шартнома имзолайди — Романо
Колумбиялик ярим ҳимоячи Кристиан Орозко "Манчестер Юнайтед"га ўтишни якунлаш учун Англияга учиб кетди.
Колумбиянинг “Форталеза” жамоасида ўйнаётган 17 ёшли футболчи фаолиятини “қизил иблислар”да давом эттиради, дея хабар беради инсайдер Фабрицио Романо ўзининг ижтимоий тармоқдаги саҳифасида.
Инсайдернинг хабар беришича, Орозко аллақачон Англияга жўнаб кетган ва у ерда Премьер-лиганинг кучли компанияси билан шартнома имзолаши кутилмоқда. Трансфер 1 миллион долларга баҳоланган.
Колумбиялик футболчи аллақачон халқаро тажрибага эга бўлиб, ўз мамлакати ёшлар терма жамоасида 13 та ўйин ўтказган.
Орозко ўз маҳоратини янада ошириш ва Европа футболига мослашиш учун “Манчестер Юнайтед”нинг ёшлар жамоаларидан бирига қўшилиши кутилмоқда. Трансфер расмийлаштируви у тиббий кўрикдан ўтганидан сўнг тез орада якунланади.
