Криштиану Роналду Португалия терма жамоасида илк бор тўлиқ ўйинни захирада ўтказди
Криштиану Роналду Португалия терма жамоасининг Миллатлар лигаси доирасида Норвегияга қарши учрашувида майдонга тушмади. Жорже Жезус бошқарувидаги португалияликлар Ослода 2:1 ҳисобида ғалаба қозонди, Роналду эса учрашувни тўлиқ захира ўриндиғида ўтказди.
Португалия сафида Жоау Фелиш 17-дақиқада ҳисобни очди. Иккинчи бўлим бошида Эрлинг Холанд мувозанатни тиклади, орадан уч дақиқа ўтиб эса Гонсалу Рамуш португалияликларни яна олдинга олиб чиқди. Норвегия қолган вақтда ҳисобни ўзгартира олмади.
Роналду учун бу алоҳида воқеа бўлди. У 2008 йил 15 июндан буён илк бор Португалия терма жамоасининг расмий учрашувини тўлиқ захирада ўтказди. Қизиғи, португалияликлар ўйинда бешта алмаштиришдан ҳам фойдаланган, бироқ бош мураббий Жорже Жезус Роналду хизматидан фойдаланмади.
Маълумот учун, Жорже Жезус Роналду жамоа режаларида қолаётганини таъкидлаган. Португалия 2026/27 йилги УЕФА Миллатлар лигасининг A4 гуруҳида икки турдан сўнг 6 очко билан пешқадамлик қилмоқда.
