Клублар ўртасидаги ЖЧ. \"Реал\" кутилмаганда \"Ал-Ҳилол\" билан дуранг қайд этди

Клублар ўртасидаги жаҳон чемпионати 1-турида “Реал” клуби “Ал-Ҳилол”га қарши ўйнади.

Хаби Алонсонинг дебют баҳсида “қироллик” клуби дуранг натижа қайд этди, - 1:1.

Ўйинда дастлаб 34-дақиқада Гонсало Гарсия ҳисобни очди. 41‑дақиқада Рубен Невеш пенальтидан мувозанатни тиклади. Сўнгги дақиқаларда Федерико Вальверде 11 метрли жарима тўпидан фойдалана олмади.

Бу ўйинда Трент ва Хейсен янги жамоаси сафида илк ўйинини ўтказишди.

Клублар ўртасидаги ЖЧ.

“Реал” 1:1 “Ал-Ҳилол”

Голлар: Гарсия 34 – Невеш 41 (пен)

Розикжон Султонмуродов

Журналист