Килиан Мбаппе Жозе Моуринью билан ишлаш ҳақида: “У замонавий футболнинг энг яхши мураббийларидан бири”
“Реал Мадрид” ҳужумчиси Килиан Мбаппе бош мураббий Жозе Моуринью қўл остида ишлаш ҳақидаги таассуротлари билан ўртоқлашди. Франциялик футболчи португалиялик мутахассис билан ишлашни анчадан бери хоҳлаганини таъкидлади. Бу ҳақда Мбаппе RFI’га берган интервьюсида айтди.
Мбаппенинг сўзларига кўра, Моуринью доимо унинг қизиқишини уйғотган мураббийлардан бири бўлган. Ҳужумчи португалиялик мутахассисни жуда ақлли, нима қилиш кераклигини яхши биладиган кучли етакчи сифатида таърифлади.
“У замонавий футбол давридаги энг яхши мураббийлардан бири. Бундай даражадаги инсонлардан ҳар куни нимадир ўрганиш ва улар билан ишлаш доимо ёқимли”, — деди Мбаппе. Футболчи “Реал”даги Моуринью билан муносабатлари яхши эканини ҳам қўшимча қилган.
Маълумот учун, Жозе Моуринью жорий мавсумда “Реал Мадрид” бош мураббийи сифатида ишламоқда. Мбаппе эса мадридликлар ҳужумининг асосий етакчиларидан бири бўлиб қолмоқда.
