Келишилган ўйинларнинг олдини олиш бўйича семинар ўтказилди
Бу ҳақда ЎФА матбуот хизмати хабар берди.
Фото: ЎФА
Миллий футбол марказида Ўзбекистон футбол ассоциацияси ҳамда спортда ҳалолликни таъминлаш йўналишида фаолият юритувчи Британнинг Sportradar ташкилоти билан тузилган ҳамкорлик шартномаси доирасида ўзбекистонлик ҳакамлар учун семинар ташкил этилди.
Семинар давомида келишилган ўйинлар тушунчаси ва уларнинг олдини олиш масалалари муҳокама қилинди. Хусусан, келишилган ўйинларни ташкил этиш жараёнлари, унда ҳакамларнинг жалб этилиши мумкин бўлган ҳолатлар, ҳакамларнинг масъулияти ҳамда бундай ноқонуний фаолиятда иштирок этиш оқибатида юзага келадиган ҳуқуқий жавобгарлик масалалари юзасидан батафсил маълумотлар берилди.
Розикжон Султонмуродов
Журналист