Канада - Ўзбекистон ўйини соат нечада бошланиши маълум қилинди
Учрашув Тошкент вақти билан 2 июнь тонгида — 06:00 да бошланади.
Фото: ЎФА
Ўзбекистон миллий жамоаси 1-июнь куни Канада терма жамоасига қарши ўртоқлик учрашувида майдонга тушади. Мазкур баҳсда терма жамоамиз тўлиқ таркибда иштирок этиши кутилмоқда.
Учрашув Тошкент вақти билан 2 июнь тонгида — 06:00 да бошланади. Баҳс Zo'r TV телеканали орқали жонли трансляция қилинади.
Аввал хабар берганимиздек, Абдуқодир Ҳусанов ҳам терма жамоа йиғинига келиб қўшилди.
Эслатиб ўтамиз, жамоамиз Канада билан учрашувдан сўнг яна Нью-Йоркдаги базага қайтади ва 8-июн куни бўлиб ўтиши режалаштирилган Нидерландияга қарши учрашув учун тайёргарликни давом эттиради.
Халқаро ўртоқлик ўйини
КАНАДА - ЎЗБЕКИСТОН
2-июнь. 06:00. Zo'r TV
