Испания миллий жамоаси футболчиси ЖЧдаги бонусини федерация ходимларига берди
Испания миллий жамоаси футболчиси ЖЧдаги бонусини федерация ходимларига берди
Бонусдан воз кечган футболчи ўз исмини ошкор қилишни истамаган.
Испания миллий жамоаси футболчиларидан бири жаҳон чемпионатидаги ғалаба учун олиши керак бўлган бонусини Испания футбол федерацияси ходимларига беришга қарор қилди. Бу ҳақда AS хабар берди.
Испания миллий жамоаси 19 июль куни финал баҳсида Аргентина устидан 1:0 ҳисобида ғалаба қозониб, жаҳон чемпионлигини қўлга киритган эди. Федерация ва футболчилар ўртасидаги келишувга кўра, турнирда қатнашган 26 нафар футболчининг ҳар бирига тахминан 1,2 миллион доллардан бонус берилиши керак бўлган.
Манбага кўра, бонусдан воз кечган футболчи ўз исмини ошкор қилишни истамаган. У ушбу қарори орқали миллий жамоанинг жаҳон чемпионатидаги муваффақиятига ҳисса қўшган федерация ходимларига миннатдорлик билдирмоқчи бўлган.
Футболчи федерация ходимларини жамоанинг умумий йўлининг бир қисми деб ҳисоблаган. AS хабарида таъкидланишича, бонусни бошқа шахсларга топшириш билан боғлиқ барча жараён қонунчилик талабларига мувофиқ расмийлаштирилган.
