Интер ҳужумчиси Лаутаро Мартинес Бавария устидан қозонилган ғалаба ҳақида фикр билдирди
Футбол
Бакрадзе Иман
Редактор
Расм: gettyimages.com Лаутаро Мартинес
Италиянинг «Интер» жамоаси ҳужумчиси Лаутаро Мартинес Мюнхеннинг «Бавария»сига қарши ўйин натижасини шарҳлади. УЕФАнинг расмий сайтида футболчининг интервьюси эълон қилинди.
Унда Мартинес шундай деган:
«Шанба куни «Парма»га қарши дурангдан кейин жамоа билан кўп гаплашдик. Биз ривожланишни хоҳлаймиз. Ғалаба қозониш учун ўша натижани унутишга тўғри келди. «Бавария» барча жиҳатдан ажойиб ўйин намойиш этди, аммо биз характер кўрсатдик. Бундай буюк стадионда, бундай кучли жамоага қарши баҳсда йигитларимиз «Интер» шарафини муносиб ҳимоя қилишга лойиқ эканини исботлашди».
8 апрель куни «Интер» Чемпионлар Лигаси чорак финалида «Бавария»ни 2:1 ҳисобида мағлуб этди. Жавоб учрашуви 16 апрель куни бўлиб ўтади.
