Имеда Ашортия 2026-йилни “Андижон” либосида ўтказади
Бу йил “Бунёдкор” сафида Суперлига ва Кубок доирасида жами 33 та учрашувда майдонга тушди. Рақиблар дарвозасига 10 та гол урди ва 2 та голли узатмани амалга оширди.
photo: Andijon fk
Андижон янги мавсум учун селекция ишларини бошлаб юборди.
Якунига етган чемпионатни “Бунёдкор” сафида ўтказган грузиялик ярим ҳимоячи Имеда Ашортия 2026-йилни “Андижон” либосида ўтказади. Томонлар ўзаро келишувга эришишди ва шартнома имзоланди.
Маълумот учун, Ашортия 1996-йилнинг 30-октябр куни Грузиянинг Мартвили шаҳрида таваллуд топган. Шу кунгача у Грузиянинг “Мартвили”, “Дила”, “Колхетти-1913”, “Схинвали”, “Телави”, Озарбайжоннинг “Туран Товуз” ва Қозоғистоннинг “Шахтёр” жамоаларида тўп сурган.
Бу йил “Бунёдкор” сафида Суперлига ва Кубок доирасида жами 33 та учрашувда майдонга тушди. Рақиблар дарвозасига 10 та гол урди ва 2 та голли узатмани амалга оширди.
Иброҳим Жалолов
Редактор
