Ильёс Зейтуллаев: “Пеналтидан кейин бироз руҳан чўкиб қолдик”
Суперлигaнинг 8-туридан ўрин олган “Бунёдкор” – “Қўқон-1912” учрашувидан сўнг “қалдирғочлар” устози Ильёс Зейтуллаев ўз фикрлари билан ўртоқлашди.
- Нима ҳам дейиш мумкин, албатта аламли мағлубият. Боз устига охирги дақиқада бу нарса рўй берди. Кутилмаган мағлубият бўлди дейиш мумкин. 80-дақиқагача ҳам ютишимизга ишониб турган эдик. Мавсумдаги биринчи мағлубиятни қабул қилиб олдик. Бу - футбол. Ютганимизда бугун қаҳрамон бўлардик.
“Қўқон-1912” ҳам охирги дақиқагача курашди. Биринчи бўлимда темпни кўтаришди. Бундай жамоалар билан ўйнаганда ўйинни ўқий олиш керак. 1:0 бўлиб турган паллада яна битта тўп киритиб беллашувга нуқта қўйишимиз мумкин эди. Барча нарса ёпиларди. Пеналтидан кейин бироз руҳан чўкиб қолдик. Ҳамидулло Абдунабиевнинг хатосини техник хато билан боғлаш ўринлидир. Бу ўйингача жуда яхши ҳаракат қилиб келди, ҳечқиси йўқ бўлиб туради.
