Игор Бишчан: Андижон жамоасини Аркадаг билан ўйини ҳамда Ўзбекистон Суперлигаcидаги учрашувларини кўриб чиқдик
“Андижон” - “Ал-Аҳли” ўйинидан олдинги матбуот анжуманининг иккинчи қисмида меҳмонларнинг хорватиялик бош мураббийи Игор Бишчан ва футболчи Эрик Александр иштирок этдилар.
- Бош мураббий: Албатта, эртага чиройли ўйин намойиш қиламиз. Чунки бу ерга бекорга келмадик. Очко тўплаш учун келганмиз. Умуман олганда, рақиб жамоа кучли. Ҳужумда ҳам, ҳимояда ҳам яхши ўйин ташкил қилади. Ўйин қийин бўлади. Лекин юртимизга яхши натижа билан қайтишга умид қиламиз. Яна шуни умид қиламизки, жисмоний тайёргарлигимизга ҳеч қандай путур етказмайди ва эртанги учрашувга тайёрмиз.
- Футболчи: Бош мураббий айтганидек, бўлажак ўйинга яхши ва узоқ тайёргарлик кўрдик. Жисмоний тайёргарлигимиз етарли, деб ўйлаймиз. Эртага юртимизга уч очко билан қайтишни хоҳлаймиз. Учрашувга 100 фоиз тайёрмиз ва ғалаба қозонишга ҳаракат қиламиз.
- Андижонга хуш келибсиз! “Андижон” клуби ҳақида нима дея оласиз?
- Бош мураббий: Аввало, имкониятдан фойдаланиб шуни айтиб ўтишим керакки, ўйинга тайёргарлик юқори даражада. Жамоа билан аэропортга қўнганимиздан бери ҳамма бизга илиқ муносабатда бўлди. Барчаси дўстона руҳда. Ўзига яраша шоў ташкиллаштириб беришди. Шунинг учун ташкилий масалалар бўйича барчага раҳмат айтишни истайман. Жамоа ҳақида гапирадиган бўлсам, ўйинни ҳимоядан яхши ташкил этади. Ажойиб жамоа. Яна бир жиҳатини айтиб ўтиш керакки, ҳар доим ҳам ўз майдонида ютқазадиган жамоа эмас. Эртанги ўйин биз учун ҳам қийин бўлади. “Андижон”ни “Аркадаг”га қарши ўйини ҳамда Ўзбекистон Суперлигаcидаги учрашувларини кўриб чиқдик. Ўзимиз учун мос рақиб. Лекин алоҳида эътироф этиш керак. Биз ўз даражамиздаги ўйинни кўрсатишимиз керак. Яхши натижа билан Қатарга қайтамиз.
- Жамоа қай ҳолатда етиб келди. Таркибда йўқотишлар йўқми?
- Бош мураббий: Футболчилар ҳолати ҳақида гапирадиган бўлсам, охирги икки ҳафтада жисмоний “нагрузка” кўп бўлди. Кетма-кет ўйинлар сериясини ўтказдик. Шу сабабли толиқиш бўлиши мумкин. Ҳеч қандай катта жароҳатлар йўқ. Иккита футболчимиз ўзини яхши ҳис қилмаётган бўлиши мумкин. Эртага ўйиндан аввал кўрамиз. Умуман олганда, таркиб ҳолати яхши.
- Жамоани Қатар чемпионатидаги ўйинини кузатганимизда сафар учрашувларида ҳужумкор ўйин кўрсатди. Эртага “Ал-Аҳли” ҳужумкор ўйнайдими ёки ҳимояга асосланган футбол намойиш қилядими?
- Бош мураббий: Ўйинимизни маҳаллий чемпионатда кўрган бўлсангизлар, биз катта ўзгаришга йўл қўймоқчи эмасмиз. Қандай ўйнаб келган бўлсак, шундай ўйнамоқчимиз. Биздан яхши ўйнайдиган клубларга қарши ҳам ўйинни назорат қилишга ҳаракат қилганмиз. Ўйиндан келиб чиқиб, эртага тактика ўзгариши мумкин. Балки ҳимояда ўйнаймиз. Умуман олганда, жамоанинг доимий ўйинини кўрсатишга ҳаракат қиламиз.
- “Андижон”нинг “Ultras” мухлислари фақат Ўзбекистонда эмас, Осиёда ҳам кучли. Эртага стадион ишқибозлар билан тўлиши кутиляпти. Ўйинчилар босимга қанчалик тайёр?
- Футболчи: “Ultras” ҳеч қандай босим бермайди. Қайта биз учун эмоция беради, футболни ҳис қилиб ўйнашимиз учун. Ўзига хос чиройли муҳит яратиб беришади. Бундай муҳитни жуда яхши кўраман. Эртанги ўйинда ҳеч қандай босим бўлмаслигига аминман.
