Ибраҳимович ЖЧ-2026да ғолиб бўлишга қодир жамоа номини айтди
Собиқ футболчи Златан Ибраҳимовичнинг фикрича, АҚШ терма жамоаси ЖЧ-2026да ғолиб бўлишга қодир. Маурисио Почеттино бошчилигидаги жамоа Парагвай (4:1) ва Австралия (2:0) устидан ғалаба қозониб, турнирнинг плей-офф босқичига йўл олди.
«Агар аввал шубҳаланган бўлсангиз, яна бир бор айтаман: бу жамоага ишониш вақти келди. Унинг ортида бутун мамлакат турибди — бундай қўллаб-қувватлаш мавқени жиддий мустаҳкамлайди. Австралияга қарши ўйин ажойиб ўтди. Тўғри, тан олиш керак: австралияликлар рақиб дарвозаси олдида ҳақиқий хавфли вазият ярата олишмади.
Жаҳон чемпионатигача бўлган ҳамма нарса энди аҳамиятга эга эмас. Ҳозир энг муҳими — биз айни дамда кўриб турган нарса. Жамоа керакли шиддатга эга бўлди ва бу айнан унга керак бўлган нарса эди.
Улар учун ҳар бир янги ўйин билан ишончни ошириб боришни давом эттириш муҳим. Плей-оффга чиққанларида эса айрим ўйинчиларга дам бериш имконияти пайдо бўлади. Умуман олганда, вазият омадли ривожланмоқда», — дея Ибраҳимовичнинг сўзларидан иқтибос келтиради Daily Mail.
