Холанд «Сити» қуйи дивизионга тушириб юборилса, «Барселона»га ўтмоқчи — Football Insider
Норвегиялик форвард «Арсенал» қизиқишига қарамай, фаолиятини Ла Лигада давом эттирмоқчи.
photo: gettyimages
«Манчестер Сити» ҳужумчиси Эрлинг Холанд молиявий қоидаларни бузгани учун клуб қуйи лигага тушиб кетган тақдирда «Арсенал»дан кўра «Барселона»га ўтишни афзал кўради. Бу ҳақда Football Insider нашри хабар берди.
Манбага кўра, 26 ёшли ҳужумчи атрофидаги вазиятни Мадриднинг «Реал» клуби ҳам диққат билан кузатиб бормоқда ва маълумотларга кўра, икки испан гигантидан бирида ўйнаш истиқболи унга жуда жозибали туюлади.
Маълум қилинишича, Холанд бир неча йилдан бери «Барселона»нинг асосий мақсади бўлиб келган ва клуб уни «Сити»ни тарк этиш истагида эканлиги белгилари пайдо бўлиши биланоқ, қўлга киритишга ҳаракат қилишга тайёр турибди. Таъкидланишича, фаолиятининг ушбу босқичида ҳужумчини Ла Лигада ўйнаш кўринишидаги чақирув қизиқтириши мумкин.
