Гюндоган “Манчестер Сити”ни тарк этиш арафасида
Германия терма жамоасининг етакчи ярим ҳимоячиларидан бири ва марказда ўйинни бошқариш маҳоратга эга Илкай Гюндоган “Манчестер Сити”даги фаолиятининг якунига яқинлашмоқда. Бу ҳақда трансфер янгиликларини ёритиб борадиган fichajes.net портали хабар берди.
Ҳозирги пайтда “Сити” таркибида авлодлар алмашинуви жараёни кетмоқда. Хосеп Гвардиола бошчилигидаги мураббийлар штаби ёши катта, тажрибали юлдузлар ўрнига ёш ва иқтидорли авлод вакилларини жалб қилмоқда. Шу стратегия доирасида яқинда Кевин Де Брёйне, Кайл Уокер ва Скотт Карсон жамоани тарк этди. Бу жараён ҳали тўхтагани йўқ ва яна бир қатор футболчилар кетиши мумкин.
Англия ОАВ маълумотларига кўра, Гюндоган сўнгги йилларда Туркия Суперлигасининг энг кучли ва нуфузли клубларидан бири — “Галатасарай” билан келишув юзасидан жиддий музокаралар олиб борган ва деярли келишувга эришган.
