Гвардиола «Ман Сити»нинг иккинчи бўлимда биринчи бўлимга қараганда ёмонроқ ўйнаётгани сабабини тушунтирди
«Манчестер Сити» бош мураббийи Пеп Гвардиола жамоасининг нега иккинчи бўлимларда биринчи бўлимга нисбатан ёмонроқ ўйин кўрсатаётгани ҳақидаги саволга жавоб берди.
Таъкидлаш жоизки, «шаҳарликлар» 2026 йил ҳисобидан Англия Премьер-лигасининг олти учрашувида иккинчи бўлимларда бирорта ҳам гол ура олишмади.
«Ҳақиқат шундаки, иккинчи бўлимда биз биринчи бўлимда кўрсатган ўйинимизни йўқотиб қўяпмиз. Балки бунга жамоанинг ёш эканлиги сабабдир — ҳозирги таркибимиз 10 йил олдингисидан анча ёшроқ. Эҳтимол, биз бу ҳолат билан ҳисоблашишимиз керак.
Шунингдек, иккинчи бўлимда биринчи бўлимда қилган ишларимизни такрорлашга уринишни тўхтатишимиз лозим. Биз ўсишимиз керак», — дея Гвардиоланинг сўзларини келтирмоқда City Xtra.
Ушбу муаммоларга қарамай, «Манчестер Сити» қишки трансфер ойнасида ўз таркибини ёш ва иқтидорли футболчилар билан кучайтиришда давом этди. Бироқ, мураббийнинг фикрича, жамоанинг барқарорлиги учун вақт ва тажриба талаб этилади.
