Гризманн \"Лос-Анжелес\" билан музокара ўтказмоқда
Фото: Getty Images
"Атлетико" ҳужумчиси Антуан Гризманн фаолиятини МЛСда давом эттириши мумкин. Бу ҳақда A Bola хабар берди.
Қайд этилишича, франциялик футболчи "Лос-Анжелес" билан музокара ўтказмоқда. Бу клубда унинг терма жамоадаги дўстлари Уго Льорис ва Оливье Жиру ўйнамоқда.
Футболчининг "матрасчилар" билан шартномаси 2026 йилнинг ёзида якунланади. "Атлетико" шартномани узайтириши борасида хабарлар пайдо бўлганди.