Гарри Кейн: Нихоят титул ютдим — бу менинг фаолиятимдаги илк соврин
Мюнхеннинг «Бавария» клуби ҳужумчиси Гарри Кейн ўз фаолиятидаги илк трофейни қўлга киритганидан кейинги таассуротлари билан ўртоқлашди.
— «Бу қандай кеча бўлди, қандай байрам! Жамоадошлар ва мураббийлар штаби билан бирга. Ишонаманки, ҳамма бираз ҳиссиётга берилган, аммо биз бу ердамиз. Ўзимни ажойиб ҳис қиляпман — бу натижага етиб келиш осон бўлмади. Бу — оғир меҳнат ва фидоийлик самараси. Илк бор фаолиятимда титул ютиб, бундан жуда хурсандман. Қўллаб-қувватлашлар учун барчага миннатдорчилик билдирмоқчиман — бу ҳеч қачон мен учун назардан четда қолмайди. Кейингги икки ҳафтанинг, айниқса шанба куни “Алянц Арена”да мухлислар билан ғалабани нишонлашни интиқлик билан кутяпман», — деди Кейн ESPN нашри эълон қилган видео мурожаатида.
Эслатиб ўтамиз, Кейн жорий мавсум Бундеслигада 29 та ўйинда иштирок этиб, 24 та гол ва 9 та ассист қайд этди.
