\"Галатасарой\" \"Интер\" ярим ҳимоячиси Давиде Фраттези учун курашга жиддий киришди
Клуб эҳтимолий келишувга 35 миллион евро гача сармоя киритишга тайёр.
photo: gettyimages
"Галатасарой" "Интер" жамоасининг ярим ҳимоячиси Давиде Фраттези учун курашга жиддий киришган ва эҳтимолий келишувга 35 миллион евро гача сармоя киритишга тайёр.
Туркия клуби италиялик футболчини майдон марказини кучайтириш учун устувор мақсад сифатида кўрмоқда. Журналист Жанлука Ди Марзионинг ёзишича, истамбулликлар мажбурий сотиб олиш шарти билан ижарага олишга мойил. Бундай формат "Интер"ни қониқтиради, чунки миланликлар футболчининг ўйинига боғлиқ шартлар билан эмас, балки унинг кафолатланган сотувидан манфаатдор.
Бошқа манбалар маълумотларига кўра, Фраттези "Ювентус"га ўтишни афзал кўрмоқда ва Туркия вариантини кўриб чиқмаган. Бироқ, Ди Марзионинг маълумотига кўра, ярим ҳимоячи "Галатасарой"нинг таклифини бутунлай рад этмаган.
Иброҳим Жалолов
Редактор