Futbol TV ҳамда Sport TV кучли бешлик чемпионатларини трансляция қилади
Ўзбекистон Миллий телерадиокомпанияси (МТРК) тасарруфидаги “Спорт ТВ” ва “Футбол ТВ” телеканаллари Европанинг кучли бешлик чемпионатлари — Испания Ла Лигаси, Франция Лига 1, Италия А Серияси ҳамда Германия Бундеслигаси трансляция ҳуқуқини қўлга киритди. Бу ҳақда журналист Отабек Жўраев ўзининг Telegram-каналида маълум қилди.
Қайд этилишича, янги мавсумдан бошлаб ушбу телеканаллар нафақат мазкур тўрт чемпионатни, балки Италия кубоги, Англия кубоги каби нуфузли турнирларни ҳам тўғридан-тўғри эфирда намойиш этади.
Шунингдек, ноябрь ойида Қатарда бўлиб ўтадиган 17 ёшгача бўлган футболчилар ўртасидаги Жаҳон чемпионати, Осиё Чемпионлар Лигаси, ҳамда 2026 йилда АҚШ, Мексика ва Канада мезбонлик қиладиган катталар ўртасидаги Жаҳон чемпионати ҳам “Спорт ТВ” ва “Футбол ТВ” орқали трансляция қилинади.
