Футбол фахрийси Архипов Павел Андреевичга эҳтиром кўрсатилди
Навоийлик фахрий футболчи Павел Андреевич Архипов 22-апрель куни 75-ёшни қарши олди.
photo: Qizilqum FK
Навоийлик футбол мухлислари қалбидан чуқур ўрин эгаллаган, футболчилик фаолияти давомида «Зарафшон», «Металлург» жамоалари таркибида 250 дан ортиқ баҳсларда майдонга тушиб, рақиблар дарвозасига 130 дан ортиқ гол киритган, собиқ ССРС чемпионатларининг бир неча бор тўпурари бўлган навоийлик фахрий футболчи Павел Андреевич Архипов 22-апрель куни 75-ёшни қарши олди.
Ушбу сана муносабати билан «Қизилқум» ПФК клуби раҳбарияти «Қизилқум» ҳамда «Қўқон-1912» жамоалари ўртасидаги баҳс аввалида Павел Андреевичга ўзига хос эҳтиром кўрсатди ва эсдалик совғалари билан тақдирлади.
Энг сўнгги хабар ва янгиликларни sports24.uz сайти орқали кузатиб боринг.
Иброҳим Жалолов
Редактор