Франк Рибери Криштиану Роналдуни масхара қилди
ФОТО: Getty Images
Франция терма жамоаси ва Мюнхеннинг “Бавария” клуби собиқ ярим ҳимоячиси Франк Рибери Криштиану Роналдуни тролл қилди.
Аввалроқ Роналду журналистлар билан суҳбатда “Олтин тўп”ни Чемпионлар Лигасида ғалаба қозонган жамоа вакили олиши кераклигини айтганди.
Шундан сўнг Рибери ўз Instagram саҳифасига қуйидагича ҳикоя жойлади:
“Ҳа, демак сен “Олтин тўп” ютганинг учун Чемпионлар Лигасини ютган бўлишинг керак, шундайми? 🤣🤣🤣”.
Эслатиб ўтамиз, 2012/2013-йилги мавсумда Рибери “Бавария” билан требл қайд этган ва “Олтин тўп”га асосий даъвогар бўлиб турганди. Бироқ якунда соврин фақатгина Испания Суперкубогини қўлга киритган Роналдуга топширилганди.
Насрулло Каримов
Журналист