FIFA 2026-йилги Жаҳон чемпионати учун “Early Ticket Draw” тизимига старт беради
Қуръаға рўйхатдан ўтиш 31-октябрга қадар давом этади ва унда иштирок этиш бепул.
photo: gettyimages
FIFA 27-октябрдан бошлаб 2026-йилги Жаҳон чемпионатига чипталар учун эрта рўйхатдан ўтишга старт беради. Бутун дунё бўйлаб футбол ишқибозлари fifa.com/tickets сайти орқали рўйхатдан ўтиб, чипталарни биринчи бўлиб харид қилиш учун қуръаға рўйхатга ёзиладилар.
Қуръаға рўйхатдан ўтиш 31-октябрга қадар давом этади ва унда иштирок этиш бепул.
Маълумот учун, “Early Ticket Draw” (Эрта чипта қуръаси) — бу чипталар сотувга чиқишидан олдин ким биринчи бўлиб чипта харид қилишини аниқлайдиган тизимдир. Бу тизим талаб жуда юқори бўлган ўйинларда (масалан, очилиш ўйини, финал ёки мезбон мамлакат ўйинлари) шаффоф бўлиши учун амалга оширилади.
Иброҳим Жалолов
Редактор
