Февзи Давлетов: Бугун биринчи голни жуда осон ўтказиб юбордик. Иккинчи голда ҳам хатога йўл қўйдик
Суперлига 24-туридан ўрин олган "Сурхон" - "Динамо" (0:2) учрашувидан сўнг термизликлар бош мураббийи Февзи Давлетов матбуот анжуманида иштирок этди.
"Ўйин томонлама олиб қарайдиган бўлсак, ўтган тур "Пахтакор" билан баҳсда кўп куч йўқотганимизни билдингиз. Бугун биринчи таймни жуда секин ўтказдик. Жамоамизнинг ўзига келиб олиши қийин бўлди. Айтиб ўтганимдек, "Пахтакор"га қарши кўп куч йўқотдик.
Бугун биринчи голни жуда осон ўтказиб юбордик. Иккинчи голда ҳам хатога йўл қўйдик. "Динамо" прессингда бизни яхши ушлади. Нимаям дердим, ишлашда давом этамиз. Негадыр бир текис ўйин кўрсата олмаяпмиз. Балки бунга ҳар тўртинчи-бешинчи кунда майдонга тушаётганимиз ҳам сабаб бўлаётгандир. Футболчиларимиз ҳар ўйинда бир хил бўла олишмаяпти",—деди мутахассис.
