«Фенербахче» Зиданга таклиф юборди
ФОТО: Getty images
"Фенербахче" клуби Зинедин Зидан билан музокараларни бошлади. Бу ҳақда Туркиянинг "Sabah" газетаси тарқатди.
Манба берган хабарга кўра, мураббий "Фенербахче"нинг дастлабки таклифини қабул қилган, бироқ шартнома тафсилотларига ойдинлик киритиш учун расмийлар билан учрашиши керак.
53 ёшли Зиданга маош ва шартнома шартлари ёқса, Туркияга келади.
Ўтган ҳафтада “канарейкалар” Жозе Моуриньони истеъфога чиқарган эди. Ҳозирда унинг ўрнига топ мутахассис олиб келишни режалаштиришган.
Эслатиб ўтамиз, Зинедин Зидан охирги марта – 2019-2021 йилларда "Реал"ни бошқарган эди.
Розикжон Султонмуродов
Журналист