FarDU U-19 жамоасига янги либослар берилди
Фарғона давлат университети U-19 ёшлар жамоамизга машғулот, ўйин ва расмий маросимлар учун махсус экипировка либослари топширилди
Аввал хабар берганимиздек, "FarDU" футбол клуби жорий мавсумдан бошлаб Ўзбекистон Про-лигасида иштирок этмоқда. Суперлига ва Про-лига клубларини лицензиялаш талабларига кўра, ушбу йилдан футбол клубнинг U-19 ёшлар жамоаси ҳам ташкил этилди ва таркибнинг асосий қисмини университетнинг иқтидорли талаба ёшлари ташкил этади. Қувонарлиси, U-19 жамоаси янгидан ташкил этилганига қарамасдан, ОКМК, "Бунёдкор", "Навбаҳор" каби номдор клублар ёшлари билан ўйинларда ишончли ҳисобдаги ғалабаларга эришди.
"FarDU" футбол клуби инфратузилмаси учун жалб этилаётган инвестиция ва ҳомийлик маблағлари йўналиши асосида бугун U-19 ёшлар жамоаси аъзоларига машғулот, ўйин ва расмий маросимлар учун махсус экипировка либослари топширилди.
