Фабрегас «Комо»да қолади
У АПЛдан келган таклифларни рад этган.
ФОТО: Getty images
«Комо» бош мураббийи Сеск Фабрегас Англия Премьер-лигасига ўтишдан бош тортди.
Инсайдер Фабрицио Романонинг Time2play нашри учун ёзган мақоласида хабар беришича, испаниялик мутахассис АПЛдан тушган таклифларни рад этган ва фаолиятини Италияда давом эттириш ниятини тасдиқлаган. У «Комо»да қолади ва жамоани УЕФА Чемпионлар лигасига бошлаб боради.
«Комо» 2025/2026 йилги мавсум якунларига кўра А Серия турнир жадвалида «Милан» ва «Ювентус»ни ортда қолдириб, тўртинчи ўринни эгаллади ва ўз тарихида илк бор Европанинг асосий клублар мусобақасига йўлланма олди.
2023/2024 йилги мавсумда «Комо» Б Серияда иштирок этган. Бир йил ўтиб, элита лига дебютанти сифатида жамоа чемпионатда 10-ўринни эгаллади.
