Европа лигасининг мавсум футболчиси ва рамзий термаси эълон қилинди

Европа лигасининг ушбу мавсумдаги энг яхши футболчиси маълум бўлди. Бу ҳақда УЕФА матбуот хизмати хабар берди.

Унга кўра соврин "Тоттенхэм" ҳимоячиси Кристиан Ромерога топширилди. Ушбу турнирда аргентиналик футболчи 7 ўйинда қатнашиб, 1та ассист қайд этди.

Шунингдек, Европа лигасида мавсум рамзий термаси ҳам тузилди.

Дарвозабон: Гульельмо Викарио ("Тоттенхэм");

Ҳимоячилар: Фредрик Бьеркан ("Буде-Глимт"), Робин Кох ("Айнтрахт"), Кристиан Ромеро, Педро Порро (иккиси ҳам "Тоттенхэм");

Ярим ҳимоячилар: Каземиро, Бруну Фернандеш (иккиси ҳам "Манчестер Юнайтед"), Патрик Берг ("Буде-Глимт");

Ҳужумчилар: Нико Уильямс ("Атлетик"), Доминик Соланке ("Тоттенхэм"), Райан Шерки ("Лион").

Розикжон Султонмуродов

Журналист