Эрик Дайер “Монако” футболчиси – Романо
Фото: Getty Images
“Бавария”нинг 31 ёшли марказий ҳимоячиси Эрик Дайер фаолиятини “Монако”да давом эттиради.
Журналист Фабрицио Романо хабарига кўра, футболчи франция клуби билан келишиб қўйган. У 2027 йилга қадар “Монако” шарафини ҳимоя қилади. Қолаверса, шартноманинг бандига кўра, футболчида яна бир мавсумга келишувни узайтириши мумкин.
Футболчининг “Бавария” билан шартномаси 2026 йилнинг ёзигача мўлжалланган эди. У жамоада етарли ўйин амалиётига эга эмаслиги сабаб жамоасини ўзгартиришга розилик берди.
Розикжон Султонмуродов
Журналист