Энцо Фернандес ЖЧ-2026 ни Қатардаги турнир билан таққослади
2026 йилги жаҳон чемпионати 11 июндан 19 июлгача АҚШ, Канада ва Мексикада бўлиб ўтмоқда.
ФОТО: Getty images
Аргентина терма жамоаси ярим ҳимоячиси Энцо Фернандес ўйинолди матбуот анжуманида 2026 йилги жаҳон чемпионатини Қатарда ўтган 2022 йилги турнир билан таққослади.
«Мен футбол тобора бир хил бўлиб бораётганини ҳис қиляпман. Бу жаҳон чемпионати Қатардаги мундиалга қараганда рақобатбардошроқ. Ҳайратлантираётган ва катта роль ўйнаётган терма жамоалар кўп», – дея Фернандеснинг сўзларини келтиради TyC Sports.
2026 йилги жаҳон чемпионати 11 июндан 19 июлгача АҚШ, Канада ва Мексикада бўлиб ўтмоқда. Амалдаги жаҳон чемпиони Аргентина терма жамоаси ҳисобланади.
Розикжон Султонмуродов
Журналист