Энсо Фернандес “Челси”га қайтмоқда
“Челси” ярим ҳимоячиси Энсо Фернандес таътилдан сўнг шу ҳафта Лондон клуби қароргоҳига қайтиб келади. Football London маълумотига кўра, аргентиналик футболчи янги мавсумга тайёргарликни жамоа билан давом эттиради.
Манбага кўра, “Челси” бош мураббийи Хаби Алонсо 25 ёшли ярим ҳимоячини жамоада сақлаб қолишни истамоқда. Фернандесга “Манчестер Сити” томонидан жиддий қизиқиш мавжуд бўлса-да, футболчининг Лондон клубида қолиш эҳтимоли юқори экани таъкидланмоқда.
Энсо Фернандес ўтган мавсум “Челси” сафида барча мусобақаларда 54 та ўйинда майдонга тушиб, 15 та гол урди ва 7 та голли узатма амалга оширди. Аргентиналик футболчи Лондон клуби ярим ҳимоясининг асосий вакилларидан бири бўлиб қолмоқда.
“Челси” янги Англия Премьер-лигаси мавсумидаги илк расмий учрашувини 24-август куни “Фулҳэм”га қарши ўтказади. Энсо Фернандеснинг ҳам ушбу учрашувга қадар жамоа билан тўлиқ тайёргарлик жараёнига қўшилиши кутилмоқда.
